ՋԵՆԳԱ

Խաղի սկզբում անհրաժեշտ է կառուցել 18 հարկանի աշտարակ: Ամեն հարկը կազմված է կիպ դրված 3 զուգահեռ փայտիկից: Յուրաքանչյուր հաջորդ հարկի փայտիկները տեղադրվում են նախորդ հարկի փայտիկների հակառակ ուղղությամբ: Խաղը մեկնարկում է, երբ աշտարակը պատրաստ է:

Առաջին քայլն անում է այն մասնակիցը, որը կառուցել է աշտարակը: Նա ստորին հարկերից հանում է մեկ փայտիկ և տեղադրում աշտարակի ամենավերևում՝ կառուցելով նոր հարկ: Չի կարելի օգտվել միայն ամենավերին հարկի փայտիկներից: Նոր հարկը նույնպես պետք է կառուցել 3 փայտիկից:

Քանի դեռ կառուցվող հարկի 3 փայտիկները տեղադրված չեն, նոր հարկ կառուցել չի կարելի: Փայտիկը ստորին հարկերից կարելի է հանել կամ աշտարակին դիպչել միայն մեկ ձեռքով:

Կարելի է փայտիկները հրել, տեղաշարժել՝ ազատելով հանվող փայտիկին հասնելու ճանապարհը: Տեղաշարժված փայտիկը կարելի է թողնել տեղում, դադարեցնել հանելը, եթե դրա պատճառով աշտարակը կարող է փուլ գալ: Խաղի աշխուժությունը կախված է քայլերից, որոնց նախընտրելի տևողությունը 10 վայրկյան է: Խաղն ավարտվում է, երբ աշտարակը փուլ է գալիս:

Կարող է փուլ գալ ողջ աշտարակը կամ ընդամենը մի քանի փայտիկ: Պարտվում է այն մասնակիցը, որի խաղալու ընթացքում աշտարակը փուլ է գալիս: Պայմանավորվածության դեպքում մասնակիցները կարող են շարունակել խաղը, եթե փուլ է եկել մեկ կամ մի քանի փայտիկ: