Երևակայիր

Խորհուրդ ծնողներին. Նախքան գրքույկի նմուշներից օգտվելը երեխային խնդրեք խաղի առանձին մասնիկներից ինքնուրույն ստանալ տարբեր պատկերներ: Դա ավելի արդյունավետ կդարձնի խաղը: Խաղի դասական ձևը. Խաղալ կարելի է միայնակ կամ երկուսով:

Խաղի այլընտրանքային տարբերակներ. Այս խաղը կարող է զարգացնել նաև շոշափելիքը, հիշողությունը եւ հնարամտությունը:

• Երեխային խնդրեք մի քանի վայրկյան նայել կաղապարի 9 պատկերներին, այնուհետեւ փակեք դրանք եւ խնդրեք թվարկել: Խնդրեք, որ երեխան որևէ պատկեր ստանա՝ օգտվելով ընդամենը 2 գույնից:
• Սկզբում երեխային խնդրեք հավաքել որևէ պատկեր կամ մի քանի պատկերներ, գրանցեք ժամանակը, ապա առաջարկեք նույն պատկերը կամ պատկերները հավաքել ավելի արագ:
• Ընտրեք մի քանի երկրաչափական պատկեր և մասնիկ, երեխային խնդրեք դրանցից պատկեր կամ նախշ ստանալ:
• Կաղապարից հանեք փայտե բոլոր երկրաչափական պատկերները, փակեք երեխայի աչքերը և խնդրեք շոշափելով կռահել դրանք:
• Գրքույկից ընտրեք մի պատկեր, հերթով թվարկեք այն երկրաչափական պատկերները և մասնիկները, որոնցից կազմված է այդ պատկերը, խնդրեք երեխային գտնել դրանք, ապա հավաքել Ձեր ցուցումներով:
• Երեխային խնդրեք թվարկել իր շրջապատում գտնվող այնպիսի առարկաներ, որոնք ձևով նման են այս խաղի երկրաչափական պատկերներին: Խնդրեք թվարկել այդ առարկաների հատկանիշները:
• Դիտարկեք գրքույկում ներկայացված 2 պատկեր, երեխային խնդրեք միացնել դրանք ըստ իր երևակայության:
• Խաղի բաղադրիչներով 2-3 տարեկան փոքրիկներին կարող եք սովորեցնել գույներն ու պարզագույն պատկերները:
• Երեխային խնդրեք կաղապարը լրացնել միաժամանակ 2 ձեռքով:
• Ընտրեք որևէ պատկեր և հավաքեք այն մեկ կամ երկու սխալով: Երեխային խնդրեք ըստ գրքույկի շտկել սխալները:
• Խնդրեք, որ երեխան գրքույկի պատկերները հավաքի նաև հակառակ ուղղությամբ կամ նույնիսկ՝ գլխիվայր: Զվարճալի կլինի: