Չափեր։ 13.5x10x2.5
Քաշ։ 90 գրամ
Խաղը սովորեցնում է հաշվել, կատարել պարզ թվաբանական գործողություններ,
զարգացնում է մտածողությունն ու մանր մոտորիկան: Կարելի է խաղալ 3 տարեկանից:
Կարևոր ցուցում ծնողներին
Երեխային թվերը կարելի է սովորեցնել 2-3 տարեկանից: 3-4 տարեկանում երեխան
պետք է կարողանա հաշվել մինչ երեքը, ցույց տալ թիվը մատիկներով։ Այս տարիքում
երեխային կարելի է սովորեցնել շատն ու քիչը, տարբեր քանակի առարկաներ իրար
հետ համեմատելը։
4-5 տարեկանում երեխան պետք է իմանա մեկից տասը թվերը, կարողանա հաշվել
առարկաները՝ առարկաների քանակը նույնականացնելով համապատասխան թվին։
Երեխան պետք է կարողանա թվերը շարել աճման կամ նվազման կարգով,
առարկաների քանակը հավասարեցնել ավելացնելով կամ պակասեցնելով։ Այս
տարիքում երեխան ճանաչում է թվի գրաֆիկական պատկերը, ուստի կարելի է
սովորեցնել նրան գրել թվերը:
5-7 տարեկանում արդեն կարելի է երեխային պարզ առաջադրանքներ տալ՝ գումարում,
հանում։ Երեխան պետք է կարողանա պատասխանել «ո՞րերորդն է», «քանի՞սն են»
հարցերին, տարբերի գումարման, հանման, հավասարման, մեծի-փոքրի նշանները,
կարողանա պատկերը բաժանել 2 կամ 4 հավասար մասերի։