Իմ օրակարգը

601002

Առկա չէ

(0)

~~8000 դրամ~~

6700 դրամ

Հույզեր

Ինքնագիտակցություն

Չափեր։ 40.5x30.5x4.5

Քաշ։ 1450 գրամ

Խաղը ներառում է երեխայի կենցաղին ու կյանքի կարևոր իրադարձություններին վերաբերող քարտեր, շաբաթվա օրերով մագնիսե տախտակ, խրախուսական քարտեր և քարտեր, որոնք կարտահայտեն երեխայի տրամադրությունը: Խաղը կօգնի երեխային կազմակերպել առօրյան, կազմել օրվա անելիքների հերթականությունը, կառավարել ժամանակը և հույզերը:

Խաղը զարգացնում է երեխայի ինքնակառավարման հմտությունները, վարքային ինքնակարգավորումը, ժամանակի կառավարման հմտությունները, հուզական ճանաչողությունը, ինքնագիտակցությունը, պատասխանատվության զգացումը, պարտաճանաչությունը, առաջադրանքներն ու իրադարձություններն ըստ առաջնահերթության և նշանակալիության դասակարգելու հմտությունները, գիտելիքները շաբաթվա օրերի և տոների մասին:

Խաղը նախատեսված է 3- ից բարձր տարիքի երեխաների համար:

Կարծիքների քանակը` 0

(0)

Կարծիք թողնելու համար անհրաժեշտ է գրանցվել կամ Մուտք

Խաղի օգնությամբ երեխայի հետ միասին կարելի է կազմել նրա օրակարգը, կարգավորել և կազմակերպել երեխայի առօրյան: Նախ երեխայի հետ ուսումնասիրեք քարտերը՝ զուգահեռներ անցկացնելով երեխայի առօրյային բնորոշ կամ նրա առօրյայում հանդիպող իրավիճակների հետ: Ապա միասին ընտրեք այն քարտերը, որոնք համապատասխանում են նրա հաջորդ օրվա անելիքներին, փակցրեք դրանք մագնիսե տախտակին՝ այդ օրվա բաժնում: Հաջորդ օրը դիտեք օրվա անելիքները: Պայմանավորվեք, որ երեխան պետք է հետևի իր կազմած օրակարգին, հետամուտ լինի իր անելիքներին: Օրն ամփոփեք՝ երեխայի հետևողականությունը գնահատելով համապատասխան խրախուսական քարտով: Երեխային նույնպես խնդրեք գնահատել այդ օրվա իր հուզական վիճակը՝ ընտրելով համապատասխան հույզը արտահայտող քարտը:

Եթե երեխան որևէ բան չի կարողացել անել, քննարկեք, փորձեք հասկանալ պատճառը: Աշխատեք օրակարգում ընդգրկել միայն այն, ինչ մատչելի է երեխային: Դժվար անելիքներն ավելացրեք հատ-հատ, աստիճանաբար: Այդպես կազմեք հաջորդ օրվա անելիքների ցանկը: Երեխան կարող է նաև երևակայական օրակարգ կազմել, օրինակ, իր արջուկի կամ տիկնիկի համար, հետևել, որ արջուկն ու տիկնիկն ամեն ինչ կատարեն ըստ նշված օրակարգի: Կարելի է քարտերը փակցնել սառնարանին, օրվա վերջում հանել այն քարտերը, որոնցում նշված գործողությունները երեխան կատարել է, իսկ չկատարվածները թողնել, որ երեխան ավարտի հաջորդ օրը: