Քարտեզ և դրոշներ

151115

Առկա է

(0)

7400 դրամ

Քանակ

Հիշողություն

Մոտորիկա

Ուշադրություն

Ճանաչողություն

Աշխարհագրություն

Տարածական կողմնորոշում

Չափեր։ 34.5x26.5x3.5

Քաշ։ 1200 գրամ

Այս խաղն ընդլայնում է երեխայի գիտելիքները աշխարհի և պետությունների մասին: Երեխան կսովորի մայրցամաքներն ու օվկիանոսները, պետությունների մեծ մասը, կտարբերի դրանց դրոշները: Խաղը կնպաստի երեխայի հիշողության, ուշադրության, մանր մոտորիկայի, ճանաչողության, տարածական կողմնորոշման զարգացմանը, կվարժեցնի նրան ուսումնական գործընթացին:

Խաղը երկծալ տախտակ է, մի երեսին աշխարհի քարտեզն է, մյուսին՝ 36 պետությունների եռալեզու անվանումները և դրոշները: Առանձին պարկում կգտնեք այդ պետությունների դրոշակները՝ հակառակ կողմին տվյալ երկրի մայրաքաղաքի, լեզվի, դրամի, տեղադրության, մակերեսի նշումով:

Կարծիքների քանակը` 0

(0)

Կարծիք թողնելու համար անհրաժեշտ է գրանցվել կամ Մուտք

Երեխային խնդրեք ճշգրտորեն տեղադրել դրոշները։ Կարելի է խաղալ մի քանի հոգով։
Յուրաքանչյուր երկրին ծանոթանալիս թղթին պատկերեք այդ երկրի խորհրդանիշները (օրինակ, Ռուսաստան՝ մատրյոշկա), ուտեստները և այլն։ Պատմեք այդ երկրի առանձնահատկությունների, սովորույթների, կլիմայի, կենդանական և բուսական աշխարհի մասին։ Պատմական հետաքրքիր փաստեր մեջբերեք։
Երեխային խնդրեք գտնել որևէ երկիր, ապա այդ երկրի դրոշը:
Ավելի փոքրերին խնդրեք դրոշները հնարավորինս արագ տեղադրել անցքերի մեջ՝ անկախ համապատասխանությունից: Դա կնպաստի մոտորիկայի և ուշադրության զարգացմանը:
Երեխային խնդրեք ցույց տալ այս կամ այն գույնով ներկված երկրները, մտապահել երկրներն ըստ գույների:
Երեխայի առջև դրեք 5-7 դրոշ: 10 վայրկյանից շրջեք և խնդրեք վերհիշել դրանք, կամ պատկերել թղթին։
Պետությունները ճանաչելուց հետո կարող եք սովորեցնել մայրաքաղաքները:
Երեխային բացատրեք դրոշների խորհրդանշական իմաստը, առաջարկեք ստեղծել սեփական դրոշ՝ իր համար կարևոր հատկանիշներն արտահայտող գույներով և խորհրդանիշով։
Առաջարկեք երևակայել իր մայրցամաքը կամ երկիրը։ Ինչպիսի՞ն կլիներ այն, որտե՞ղ կգտնվեր, տա՞ք, թե ցուրտ կլիներ, ինչպիսի՞ մարդիկ կբնակվեին այնտեղ, ի՞նչ բույսեր ու կենդանիներ, ի՞նչ կանոններ կգործեին: