Գտիր զույգը - Փոքր Մհեր

Ինչպես խաղալ

Տարբերակ 1/ Դասական
27 զույգ գունավոր քարտերը դարձերեսով դասավորեք սեղանին և որոշեք մասնակիցների հերթականությունը։ Խաղն սկսելու պատիվը տվեք ամենակրտսեր մասնակցին։ Յուրաքանչյուր մասնակից իր հերթին բացում է երկու քարտ։ Եթե պատկերները համընկնում են, նա վերցնում է զույգը և ստանում ևս մեկ քայլի հնարավորություն։ Եթե պատկերները տարբեր են, հաջորդ մասնակիցը փակում է դրանք և կատարում իր քայլը։ Խաղն ավարտվում է, երբ սեղանին ալյևս քարտ չի մնում։ Հաղթում է ամենաշատ զույգեր հավաքած մասնակիցը։

Տարբերակ 2
Այս տարբերակում զույգ են համարվում գունավոր պատկերը և դրա ստվերը։ Մի կողմ դրեք 27 կրկնվող գունավոր քարտերը։ Սեղանին դասավորեք 27 գունավոր և 27 ստվերային քարտերը (դարձերեսով)։ Խաղացեք նույն սկզբունքով՝ փորձելով գտնել պատկերի և դրա ստվերի համապատասխանությունը։

Խաղում ներառեք նաև «ՎԱԱ՜Յ» և «ԽԱՌԸ-ԽՈՒՌԸ» քարտեր՝ խաղն ավելի հետաքրքիր դարձնելու համար։

Տարբերակ 3
Սեղանին դարձերեսով դասավորեք բոլոր 81 քարտերը։ Խաղացողը պետք է մեկ հերթի ընթացքում գտնի և բացի միանգամից երեք քարտ՝ երկու նույնական գունավոր պատկեր և դրանց համապատասխանող ստվերը։

Ավելի փոքր տարիքի երեխաների համար խաղը կարելի է հեշտացնել։ Քարտերը սկզբում դասավորեք դիմերեսով (բաց վիճակում)։ Թույլ տվեք երեխային մի քանի վայրկյան զննել և հիշել դրանց տեղը։ Այնուհետև շրջեք քարտերը և խնդրեք գտնել զույգերը։

Մաղթում ենք հաճելի խաղ։